Ishte një ditë poshtëruese për Mourinho-n në rikthimin e tij në “Stamford Bridge”. Manchester United u mposht keqazi 4-0 nga Chelsea dhe kjo humbje nuk mund të kapërdihej lehtë nga portugezi.
Menjëherë sapo arbitri i ndeshjes përfundoi takimin, Mourinho iu drejtua Conte-s, trajnerit të Chelsea, duke i pëshpëritur diçka në vesh. Mediat arritën të zbulojnë fjalët e “Special One”: “Bëje atë kur rezultati është 1-0, jo 4-0. Është një poshtërim”, mësohet t’i ketë thënë trajneri i Manchester italianit.
Thuajse gjatë gjithë takimit, por veçanërisht në fundin e tij Conte kërkonte vazhdimisht nga tifozët londinez të përkrahnin ekipin e tyre, por kjo gjë nuk i ka pëlqyer aspak trajneri portugez.
Pas takimit reagoi edhe Conte, i cili tha se është absurde të kritikosh një trajner që kërkon mbështetje.
“Kam qenë futbollist dhe kam respekt për kundërshtarët. Asgjë nuk ndodhi, e përsërisë se është absurde të kritikosh trajnerin që kërkon mbështetje për lojtarët e tij”, tha Conte.
Top Channel