Gruaja lidhet me litar dhe sajon vjedhjen në shtëpi

23/10/2016 15:05

Dalina Azuni, 29-vjeçare në fshatin Pinet të Ndroqit, është arrestuar nga komisariati nr. 6 i kryeqytetit pasi ka sajuar një grabitje, duke u vetëlidhur në banesën e saj.

Ajo ndodhej vetëm në banesë kur ka lajmëruar të afërmit dhe policinë në numrin e emergjencave 112, se një person kishte hyrë në shtëpi dhe kishte arritur të merrte prej andej shumën pre 65 mijë lekësh.

Pas hetimeve paraprake, kontrolleve të ushtruara dhe dyshimit mbi dëshminë e gruas, policia gjeti shumën e parave të fshehura në një dhomë tjetër të banesës. Në deklarimet e para dhënë para hetuesve, Dalina Azuni ka pranuar se i ka bërë këto veprime vetëm për të tërhequr vëmendjen e të shoqit, pasi kishte vënë re që kohët e fundit nuk kishin komunikim, por vetëm mosmarrëveshje mes tyre.

29-vjeçarja tashmë akuzohet për kallëzim të rremë dhe njoftim i rremë në organet e rendit publik.

Top Channel