“Darka e fundit” e presidentit Obama
19/10/2016 00:00
Banorët e Venecias protestojnë ndaj taksës së re të hyrjes për vizitorët: Po kthejnë qytetin në park zbavitjeje (fotot)
25/04 17:41
Politikanë dhe aktorë të rëndësishëm të fushave të ndryshme në arenën botërore u mblodhën në atë që konsiderohet si darka e fundit shtetërore e organizuar nga presidenti Barack Obama, në mandatin e tij presidencial që përfundon në janar të vitit 2017.
Kryeministri italian Matteo Renzi, aktori i komedisë Jerry Seinfeld, këngëtari James Taylor, guvernatori i Nju Jorkut, Andrew Cuomo, ishin disa nga 400 të ftuarit në mbrëmjen gala.
Ambasadorja e SHBA-ve në Kombet e Bashkura, Samantha Power tha se në këtë darkë ata festonin njekohesisht edhe partneritetin e veçantë të Italisë dhe Amerikës. Ndërsa shumë nga të ftuarit shprehën padurim të provonin ushqimet e shijshme të përgatitura nga shefi i kuzhinës, Mario Batali.
Naeem Khan, stilisti personal i veshjeve të Zonjës së Parë Michelle Obama, reflektoi faktin që do t’i mungojë puna me Michellen.
“Nuk e di se kur do t’i rikthehet sharmi Shtëpisë së Bardhë. Ajo i ka motivuar gjithmonë stilistët dhe fusha e modës sot po ecën shumë mirë. Një nga arsyet kryesore është se Michelle ka besuar te ne”, tha stilisti i Michelle Obama.
Top Channel
