Trump braktiset nga republikanët, vijojnë goditjet nga brenda

Ai u ka bërë thirrje republikanëve që të merren me fushatat e tyre të rizgjedhjes dhe të marrin vendime individuale mbi mënyrën se si do të sillen ndaj Trump.

Sipas “New York Times”, e cila citon burime në kushte anonimiteti, Ryana është i shqetësuar që mos t’i lejojnë Hillary Clitonin një çek të bardhë në një kongres të kontrolluar nga demokratët.

Qëndrimi i tij ka shkaktuar tensione në sallë, duke e bërë atë të thotë se nuk po hiqte dorë nga mbështetja por se nuk do ta mbronte më kandidatin republikan.

Zyrtarisht, një nga zëdhënësit e kryetarit Ryan tha se ai do t’i përkushtohet mbrojtjes së republikanëve të Kongresit për pjesën e mbetur të fushatës.

Zëdhënësi i fushatës së Trump iu përgjigj këtyre lajmeve duke thënë se asgjë s’ka ndryshuar pasi Trump mbështetet nga lëvizjet politike dhe jo nga Washingtoni.

Dhjetëra republikanë kanë dezertuar radhët e mbështetësve pas publikimit të incizimeve me etiketime vulgare të Trump ndaj grave.

Ryan dhe Trump duhet të shfaqeshin së bashku në Wisconsin të shtunën, por kryetari i dhomës së përfaqësueseve e anuloi pjesëmarrjen.  Ryan është dhe republikani i parë që i jep një goditje të fortë Trumpit pas debatit të dytë presidencial i cili pritej t’i shpëtonte fushatën kandidatit të partisë së tij. Edhe pse pati një paraqitje më të mirë nga ç’pritej siç komentojnë analistët, sërish sondazhet i dhanë Clintonit epërsinë e pëlqimeve të publikut.

Top Channel