Vjedhja e argjendarisë, 20 të shoqëruar. U çanë 4 mure
09/10/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Policia e Tiranës ka shoqëruar 20 persona, që mund të kenë dijeni për supervjedhjen e argjendarisë në zonën e “Pazarit të ri” në kryeqytet.
Kristi Shkarpa, djali i pronarit të argjendarisë tregon për Top Channel skenarin, që autorët dyshohet të kenë vënë në zbatim për realizimin e vjedhjes.
Fillimisht, autorët dyshohet të kenë përdorur një palë shkallë për të hyrë në godinën që po restaurohet ngjitur me argjendarinë. Më pas ata kanë çarë një mur, duke kaluar në kuzhinën e lokalit po në pronësi të familjes Shkarpa. Më tej, me anë të çarjes së një tjetër muri, ata kanë arritur të futen në argjendari, nga ku kanë dalë me një sasi ari dhe argjendi në vlerën e 500 mijë eurove.
“Kanë çarë 4 mure gjithsej. Ky është muri i parë, nga ku janë futur dhe kanë dalë po këtu, duke ndjekur të njëjtin itinerar. Policia ka gjetur edhe një tabaka të hedhur prej tyre, që po i nënshtrohet ekspertizës”, tha Kristo Shkarpa, djali i pronarit të argjendarisë.
Policia po heton disa pista mbi vjedhjen e argjendarisë, ndërsa në pyetje është marrë edhe pronari i godinës në proces restaurimi, i cili mësohet se prej më shumë se një muaji kishte ndërprerë punimet.
Autorët janë kujdesur të mos lënë prova, duke marrë edhe kamerat e sigurisë, si dhe njësinë qendrore të regjistrimit.
Top Channel
