Gjirokastër, bimët medicinale dëmtohen gjatë verës
04/10/2016 00:00
Firmoset në Vjenë marrëveshja për transformimin e Universitetit Bujqësor me standardet e Universitetit BOKU, Manastirliu: Moment historik 16/04 11:00
I vendosur në një prej zonave të thella të njësisë së Cepos në Gjirokastër, fshati Zhulat gjendet i izoluar në mes të maleve dhe natyrës së rrallë falë së cilës sot banorët sigurojnë të ardhurat kryesore për të jetuar.
Më shumë se 80% e tyre janë të angazhuar në grumbullimin dhe tharjen e bimëve medicinale. Përgjatë gjithë muajve të verës ata mbledhin sherebelën, çajin e malit, rigonin, blirin, trëndafilin e egër, murizin, rozmarinën, dafinën dhe çdo bimë që kërkohet nga kompanitë e grumbullimit për tregun medicinal.
Banoret e këtyre zonave tregojnë që kjo kulturë po vështirësohet nga viti në vit si pasojë e moskontrollit nga zjarri, bagëtitë apo edhe mbledhësit që i shkulin me gjithë rrënjë këto bimë.
Këtyre fakteve i shtohet dhe çmimi i blerjes i cili në dy vjet ka zbritur nga 170 ne 80 lekë për kilogram.
Top Channel
