Publikohet traileri i ri i “Pirates of the Caribbean”, mungon Johnny Depp!

Të dielën është publikuar në kanalin e “Youtube” traileri i këtij filmi, i cili ka ngritur pikëpyetje të mëdha tek qindra njerëz që e kanë parë.

Shumë fansa të Johnny Depp janë shokuar nga fakti se në trailer aktori i tyre i preferuar dhe personazhi i dashur i Jack Sparrow nuk është pjesëmarrës. Ka pasur shumë komente dhe pyetje të njerëzve mbarë botës, të cilët kanë aluduar se ai nuk do të jetë pjesë e serisë së re.

Disa fansa kanë thënë se ai nuk është pjesë e filmit pasi është duke marrë kohë larg aktrimit për shkak të divorcit të tij të vështirë ndërsa disa të tjerë të irrituar kanë hedhur poshtë punën e lodhshme të “Disney” vetëm sepse Johnny Depp nuk është në të.

Mesa duket krijuesit e këtij filmi kanë gabuar në punimin e trilerit duke mos përfshirë qëllimisht aktorin kryesor në mënyrë që ajo të dukej më interesante, por nuk kanë marrë parasysh irritimin e publikut. Për të gjithë ata që janë kuriozë Johnny Depp është i pranishëm në film dhe personazhi i Jack Sparrow do të marrë vëmendjen kryesore në “Dead Men Tell No Tales”.

Top Channel