Mourinho pretendon se nuk e njeh skuadrën

“Kam nevojë për futbollistët, kam nevojë t’i shoh ata në rrethana të ndryshme dhe të kuptoj më shumë gjëra për ta – deklaroi Mourinho – Kam shumë për të mësuar dhe kjo arrihert vetëm kur punon me ta për  një kohë shumë të gjatë”.

Manchester United ka hasur vështirësi në këto muajt e para me Mourinhon në pankinë në të gjitha aspektet. Pavarësisht se në dispozicion ka futbollistë të shkëlqyer në repartin e sulmit, skuadra e ‘Djajve të Kuq’ tashmë ka pësuar 3 humbje dhe këtu përfshihet edhe disfata në derbin me Manchester City. Një humbje tjetër që rëndoi mbi Manchester United ishte edhe ajo e Europa League ndaj Fejnordit, duke i shtuar kritikat ndaj luzitanit

“Europa League është një kompeticion që hap më shumë probleme se kampionati – tha Murinho – kjo sepse do të të duhet të luash ditën e enjte dhe kjo i vështirëson vërtet gjërat”.

Pas ndeshjeve të kërtij raundi, kampionatet në Evropë do të ndërpriten për shkak të ndeshjeve të ekipeve përfaqësuese për eliminatoret e Botërorit 2018. Pas këtij pushimi, Manchester do të kthehet në fushën e lojës në 17 tetor me sfidën ndaj Liverpoolit në Anfield dhe më pas do të presë Fenerbahce në Old Trafford në Europa League.

Top Channel