Rrëshqitjet e dheut në Kinë, dhjetëra të humbur

29/09/2016 00:00

Të paktën 32 persona janë shpallur të humbur në provincën lindore kineze Zhejinag pasi reshjet e dendura shkaktuan dy rrëshqitje masive dheu.

Në fshatin Sucun, lumi i dheut që zbriti nga mali shkatërroi shumë shtëpi dhe autoritetet po kërkojnë për 256 persona të zhdukur. Mediat kineze kanë publikuar video amatore të rrëshqitjes së dheut të filmuara nga dëshmitarë okularë të ngjarjes.

Mësohet se 15 persona janë shpëtuar, por autoritetet thonë se ka shumë pak shpresa për të gjetur të mbijetuar të tjerë.

Në një incident të dytë të ngjashëm, 6 persona janë zhdukur pas një rrëshqitje dheut në zonën Baofeng. Reshjet e dendura, pjesë e tajfunit “Megi”, kanë shkaktuar shumë probleme edhe në provincën Fujian, ku janë regjistruar përmbytje serioze.

Bashkë me reshjet, tajfuni ka sjellë erëra të forta me shpejtësi deri në 120km/h. Të paktën 1 viktimë është konfirmuar në Fujian si pasojë e përmbytjeve masive që kanë lënë miliona të tjera pa energji elektrike. Mediat shtetërore kineze raportuan se në disa zona të provincës Fujian u regjistruan deri në 300 milimetra shi brenda dy ditësh.

Top Channel