Raporti për “MH17”: Avioni u rrëzua nga raketa e lëshuar nga territori rus
28/09/2016 00:00
Polonia, e gatshme të kthejë në Kiev ukrainasit që të shërbejnë në ushtri 24/04 22:47
Raketa që rrëzoi avionin e fluturimit “MH17” mbi Ukrainën Lindore ka ardhur nga territori i kontrolluar prej rebelëve të mbështetur nga Rusia.
Rezultati i hetimit të kryesuar prej autoriteteve holandeze, mbi episodin fatkeq të vitit 2014, nuk lë më shteg për hamendësime dhe i jep të drejtë Kievit.
Raketa u lëshua me një sistem të dërguar në Ukrainë nga Rusia, thonë ekspertët. Të 298 personat në bordin e “Boeing 777” vdiqën kur ai u shkatërrua në ajër, ndërsa fluturonte nga Amsterdami drejt Kuala Lumpurit.
Ekipi i përbashkët hetimor përbëhej nga prokurorë holandezë, australianë, belg, malajzianë e ukrainas. “MH17”-ta, sipas tyre, u rrëzua nga një raketë “BUK” e serisë “9M83”, e cila ka ardhur nga territori i Federatës Ruse.
Lloji i raketës ishte pohuar edhe më parë, por deri më tani nuk ishte thënë se cili ka qenë vendi i lëshimit. Rebelët separatistë e kanë mohuar gjithmonë përfshirjen e tyre.
Top Channel
