Gjykata e Tiranës liron Gjutën: Nuk vërtetohet dhuna ndaj babait
26/09/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Gjykata e Tiranës vendosi lirimin e menjëhershëm të Vladimir Gjutës, me argumentin se akuza që rëndon ndaj tij, ajo e dhunës në familje, nuk u provua gjatë hetimit paraprak.
Gjyqtari Astrit Faqolli, i cili tha se për veprën tjetër, atë të largimit nga vendi ku po vuante dënimin, urdhërohet gjithashtu lirimi nga paraburgimi, pasi Gjuta vuan nga probleme mendore.
Më herët, babai i tij Ferit Gjuta deklaroi për Top Channel se nuk ishte dhunuar nga i biri dhe për këtë arsye ai refuzoi të merrte urdhër mbrojtjeje.
Arrestimi i Gjutës u krye pas një feste familjare, në një kohë që ai ishte nën masën “arrest shtëpie”.
Policia u njoftua nga familjarët e tij, të cilët shpjeguan se i kishin njoftuar uniformat blu për të shmangur ndonjë incident.
Por Gjuta ka qenë edhe më herët i arrestuar nga Krimet e Rënda, për shpërthimin me tritol në farmacinë e babait të ministrit të Brendshëm, Saimir Tahiri, dosje e cila u mbyll pasi akuza nuk ia doli mbanë të siguronte prova.
Top Channel
