Dhunë ndaj vëllait për çështje prone, pranga 33-vjeçarit në Pogradec

26/09/2016 00:00

Forcat e policisë në Pogradec kanë arrestuar në orët e fundit një 33-vjeçar, pasi kishte ushtruar dhunë fizike ndaj të vëllait.

Burime policore lokale bëjnë të ditur se në pranga ka rënë shtetasi Mentor Biba, i cili kishte goditur me sende të forta në kokë vëllain e tij.

Sipas burimeve, konflikti mes dy vëllezërve, banues në fshatin Buzaishte, ka lindur për çështje pronësie.

I plagosuri, 46-vjeçari me inicialet L.B, pas ndihmës mjekësore të marrë në spitalin e Pogradecit është dërguar për mjekim të specializuar në Tiranë.

Ndërkohë, materialet hetimore i kanë kaluar prokurorisë së rrethit përkatës, për procedimin e të arrestuarit nën akuzën “dhunë në familje”.

Top Channel