Derbi kryeqytetas, në Elbasan nisen me qindra tifozë të të dyja skuadrave

25/09/2016 00:00

Për herë të parë në historinë e vet, derbi Partizani-Tirana do të luhet jashtë kryeqytetit për shkak të mungesës së stadiumit dhe mungesës së marrëveshjes së dy klubeve për të luajtur në “Selman Stërmasi”.

Qindra tifozë, si të Partizanit, ashtu edhe të Tiranës, me rreth 50 autobusë janë nisur mesditën e së dielës drejt “Elbasan Arena”-s, për të mbështetur skuadrat e tyre, të cilat do të zbresin në fushë në orën 19:00.

Partizani, tashmë me trajnerin Sormani, kërkon të vazhdojë serinë e rezultateve pozitive në derbi dhe të mbajë hapin e kryesuesve të Skënderbeut, ndërkohë që Tirana e Dajës do të kërkojë të thyejë hegjemoninë e kuqe, e cila ka sunduar kryeqytetin në 9 përballjet e fundit.

Top Channel