Dopietë e Balotellit, Nice mund Monacon dhe rrëmben kreun
21/09/2016 00:00
Kupa e Italisë/ Atalanta përmbys Fiorentinën, në finale e pret Juventusi 25/04 12:28
Mario Balotelli shënoi golin e tij të katërt në ndeshjen e tij të tretë me skuadrën e Nices. Sulmuesi italian ishte njeriu i ndeshjes në derbin e rivierës franceze, ku Nice fitoi 4-0 ndaj Monacos.
Balotelli realizoi dopietë, ndërsa të dy golat e tjerë u shënuan nga Baysse dhe Plea. Me këtë fitore, Nice ngjitet në krye të klasifikimit të kampionatit francez dhe mbetet skuadra që nuk ka pësuar akoma humbje edhe pas 6 javësh.
Fitore të lartë shënoi edhe Lyon që mposhti në shtëpi 5-1 Montpellier. Edhe pse miqtë shënuan të parët, Lyon përmbysi gjithçka edhe për shkak se skuadra e Montepellier mbeti me 10 lojtarë.
Në ndeshjet e tjera, Guingamp fitoi 1-0 ndaj Lorient, ndërsa Bordeaux mposhti në transfertë 3-0 Metz. Edhe Angers fitoi 2-1 në shtëpi përball Caen, ndërsa Nantes e St. Etienne dhe Bastia e Nancy ndanë pikët në dy sfidat që u mbyllën 0-0.
Top Channel
