E rrahin me shkopa bejsbolli dhe trupin ua hedhin derrave…

Ngjarja në fjalë, tronditëse në vetëvete por jo dhe aq sa i takon ambjentit ku është verifikuar, ka maturuar në kuadër të një konflikti mes disa familjeve mafioze në Rajonin e Kalabrisë, në Itali. Viktima është bosi Francesco Raccosta, i cili u shpall i zhdukur në 13 mars 2012.

Këtë të premte, një gjykatë në Itali ka dënuar përgjegjësin kryesor të aktit makabër, Simone Pepe, i cili u “gozhdua” nga hetimet e policisë, që i kishte vendosur një përgjues në makinën e tij. Hetuesit e kanë dëgjuar të riun teksa i tregonte një shokut të tij “veprën” që kishte bërë.

“Matteo, e hodha në mes të sallës, (hahahah) ishte një kënaqësi e madhe teksa e dëgjoja të klithte. E kishim lidhur të tërin, krahët mbrapa, duart mbrapa dhe pastaj këmbët. Matteo të betohem, ishte një eksperiencë jo e bukur, por shumë më tepër se aq. E hodhëm, ishte i gjakosur i tëri, u hapëm dyert derrave… Në fund nuk mbeti asgjë, vetëm kockat”, tregonte Pepe, pa e ditur që fjalët e tij po dëgjoheshin nga hetuesit.

Djali, i ri në moshë, është dënuar me burgim të përjetshëm, ndërsa për bashkëpunëtorët e tij janë dhënë dënime nga 6 deri në 28 vjet.

Viktima, Francesco Raccosta ishte eksponent i rëndësishëm i familjes me të njëjtin emër, e cila, në aleancë me familjen Ferraro ishin në luftë me fraksionin Polimeni-Bonarrigo-Mazzagatti. Dyshohet se vrasja e tij ka qenë një hakmarrje për vrasjen e bosit Domenico Bonarrigo.

Top Channel