Gjykata speciale e Hagës për Kosovën, kryeprokurori: Do të punoj pa frikë

Në konferencën e e tij të parë që prej marrjes së postit këtë muaj, Schwendiman, ish-prokuror i Përgjishëm amerikan, tha se ishte shumë herët për të spekuluar lidhur me të dyshuarit.

“Ligji, që krijoi pozicionin që unë mbaj tani, e bën shumë të qartë. Unë jam i pavarur dhe nuk marr udhëzime nga askush”, tha ai.

Në vitin 2011, një raport i Këshillit të Europës lidhi disa prej figurave kryesore të politikës kosovare, të tillë si Hashim Thaçi, me krime kundër serbëve, përfshirë trafikim organesh. Thaçi i mohon kategorikisht pretendimet e tilla.

“Ka shumë gjëra që duhen bërë e që duhet të vijnë, përpara se çdo gjë të shkojë në vend, duke më lejuar të marr vendime formale. Në fund do të vendos mbi bazën e provave dhe të ligjit”, tha prokurori.

Gjykata e re në Hagë, e quajtur “Dhomat e Specializuara të Kosovës”, u themelua pas presionit nga Bashkimi Europian ndaj qeverisë kosovare për t’u përballur me akuzat për krime lufte kundër serbëve etnikë nga Ushtria Çlirimtare e Kosovës.

Veteranët e luftës protestuan kundër krijimit të Gjykates Speciale, që do të operojë sipas ligjit kosovar, por duke shfrytëzuar gjykatës e prokurorë të huaj.

Administratorja e dhomave të specializuara, Fidelma Donlon pohoi të enjten se gjykata shpresonte të niste punën në gjysmën e parë të vitit 2017, duke miratuar rregullat e procedurave dhe provave, para se Schwendiman të ngrejë akuzat kundër ndonjë të dyshuari.

Siç tha ajo, gjykata është ende në procesin e emërimit të gjykatësve, që do të përcaktojnë këto rregulla.

Top Channel