Kamerat në publik, përplasje brenda koalicionit për ligjin e ri

Në takimin mes ministrit të Brenshëm Saimir Tahiri me kreun e komsionit të sigurisë Spartak Braho dhe kreun e grupit parlamentar të LSI-së Petrit Vasili, është vendosur të shmanget çdo formulim i pasaktë që mund të krijojë keqkuptim dhe që këto masa sigurie të keqpërdoren.

“Dakordësimi është ky: nuk do ketë detyrim automatik për të gjithë, por detyrim që rrjedh, dhe kjo është përcaktuar tashmë qartë në ligj, vetëm aty ku vlerësohet nga analiza e riskut për subjektet që kanë rrezik të shtuar sa i takon sigurisë”, deklaroi Vasili.

Në takim ishte i pranishëm edhe deputeti i PS, Pirro Lutaj, ndërsa ministri Tahiri la të kuptohet se me ndryhimet e reja, projekligji do të kalojë brenda 2 seancave të ardhshme plenare.

“Është një projektligj i domosdoshëm. Jemi të fundit në Ballkan që nuk kemi ende një ligj të tillë. Ndaj unë e kuptoj me shumë dashamirësi shqetësimin e çdo deputeti. I mirëkuptoj vërejtjet e tyre, jam i gatshëm t’i marr parasysh. Jemi ulur dhe kemi punuar siç na takon të punojmë në një Parlament dhe Republikë demokratike në funksion për të bërë gjithçka është e nevojshme për sigurinë e qytetarëve”, tha Tahiri.

Presidenti Nishani e ktheu për rishqyrtim ligjin për masat shtesë të sigurisë publike pasi sipas tij binte në kundërshtim me Konventën e të drejtave të njeriut.

Top Channel