“Luftë” mes këngëtarëve në Prishtinë, plagoset Noizy
13/09/2016 00:00
“Do të të bëj masazh”/ Pezullohet nga detyra pedagogu i Universitetit të Prishtinës
23/04 14:13
Amerika e viteve ‘80-‘90, ku grupet e hip-hopit ishin në luftë mes tyre, tashmë duket se po kopjohet në Shqipëri e Kosovë. Në 20-vjetorin e vdekjes se ikonës se repit botëror, Tupac Shakur, Prishtina është shndërruar në arenë e përplasjes me armë mes grupeve rivale OTR dhe Babastars.
Mediat në Kosovë bëjnë të ditur se këngëtari Noizy dhe grupi i tij janë përplasur me armë në një nga hotelet luksoze të Prishtinës me kundërshtarët e tyre të grupit Babastars.
Fillimisht dyshohet se konflikti ka nisur në hollin e hotelit, ku anëtarët e OTR janë përplasur me “Skivin”, një prej këngëtarëve të Babastars. Pas kësaj, ky i fundit ka njoftuar miqtë e tij, mes tyre dhe këngëtari Cozman.
Raportohet se gjatë konfliktit janë përdorur edhe arme dhe një prej personave të pranishëm, ka mbetur i plagosur, ndërsa Cozman, së bashku me vëllain e tij dhe një tjetër person janë shoqëruar në polici.
Noizy ka mbërritur në spital me plagë në kokë, ndërkaq, Policia e Kosovës është duke vijuar hetimet për zbardhjen e plotë të dinamikës së kësaj ngjarjeje.
Top Channel
