Icardi i shpëton “nderin” Interit
11/09/2016 00:00
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
Dopieta e Mauro Icardi-t i ka siguruar fitoren e parë në këtë sezon Interit në 12 minutat e fundit në transfertën ndaj Pescaras e vlefshme për javën e tretë të Seria A.
Pas pjesës së parë të mbyllur barazim, ekipi i drejtuar nga Massimo Oddo ka kaluar i pari në avantazh në minutën e 63’ me anë të francezit të huazuar nga PSG, Jean-Christophe Bahebeck.
E ndërsa ndeshja dukej se kishte një fund të zymtë për Interin që kishte dominuar tërësisht lojën, duke mbajtur edhe 61% të topit, ka qenë Mauro Icardi ai që ka zgjidhur gjithçka.
Kanë qenë 2 golat e argjentinasit, në të 78’ dhe 90’, që i kanë dhuruar 3 pikët Interit duke shënuar kështu edhe fitoren e parë në Serinë A të zikaltërve nën drejtimin Frank de Boer, pas barazimit me Palermon dhe humbjen ndaj Chievos.
Top Channel
