Zhvillohet paraditen e së enjtes në Tiranë dita e dytë e punimeve të konferencës “Sfidat e institucioneve të Ombudsmanit përballë flukseve të përziera migratore”.
Sipas një njoftimi për shtyp nga zyra e Avokatit të Popullit, konferenca do të nisë punimet në orën 09:00 në një nga hotelet e kryeqytetit dhe do të ketë një pjesëmarrje të nivelit të lartë.
Në fund të saj palët pjesëmarrëse parashikohet të miratojnë një dokument të përbashkët që do të mbajë titullin “Deklarata e Tiranës për Migracionin”, e cila do të ketë gjithashtu një rëndësi historike sa i takon përmbajtjes dhe qëllimit të saj.
Në kuadër të këtij eventi, gjatë pasdites avokati Igli Totozani u takua me komisioneren e OKB për të drejtat e njeriut, Kate Gilmore.
Ata Diskutuan mbi vëmendjen e veçantë që i duhet kushtuar krizës migratore dhe zgjidhjeve që duhen ofruar, në përputhje me konventat e standardet ndërkombëtare për të drejtat e njeriut.
Gilmore konfirmoi mbështetjen për institucionin e Avokatit të Popullit, si një ndër mekanizmat kryesorë në monitorimin dhe ruajtjen e këtyre të drejtave.
Top Channel