Botërori i klubeve, FIFA kërkon shtimin e skuadrave
02/09/2016 00:00
VIDEO/ Përballjet në Europa League, Liverpool synon përmbysjen e madhe ndaj Atalantës, Roma thellon rezultatin ndaj Milanit 18/04 21:48
Federata Ndërkombëtare e Futbollit kërkon të zgjerojë Botërorin e Klubeve duke rritur numrin e skuadrave pjesëmarrëse. Sipas asaj që publikohet në median gjermane, qeveria e futbollit botëror synon ta çojë këtë numër në 16 ose 32 skuadra.
Formati aktual i këtij aktiviteti parashikon pjesëmarrjen e 7 ekipeve, kampionët e 6 kontinenteve dhe skuadrën kampione të vendit organizator të tij. Problemi në këtë pikë qëndron te mënyra e organizimit të formatit të ri duke parë se datat e lëna të lira në dispozicion për klubet mes kampionateve dhe ndeshjeve të përfaqësueseve nuk janë të shumta.
Një tjetër ide që është në mendjet e drejtuesve të FIFA është edhe ajo e rritjes së numrit të skuadrave pjesëmarrëse ne fazën finale të një botërori nga 32 në 40.
Ndërkaq, përsa i përket botërorit të Klubeve të këtij viti, ai do të zhvillohet në Japoni nga 8-18 dhjetor dhe skuadra që do të përfaqësojë kontinentin europian është pikërisht Reali i Madridit si fitues i Ligës së Kampioneve.
Top Channel
