Apeli lë në burg Avmetin, i akuzuar për lidhje me ISIS-in
31/08/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjykata e Apelit ka lënë të pandryshuar masën e sigurisë “arrest me burg” për shtetasin maqedonas Imerli Avmeti, i cili akuzohet nga prokuroria maqedonase për pjesëmarrje në grupe paramilitare dhe policore të huaja.
Në Gjykatën e Apelit, Avmeti ka kërkuar lirmin e tij me pretendimin se akuzat e ngritura nga prokuroria maqedonase janë të pavërteta dhe trillime. Por, Gjykata e Apelit vendosi të mos e ndryshojë masën e sigurisë deri në marrjen e vendimit përfundimtar për ekstradimin e tij ose jo drejt Maqedonisë.
Avmeti u arrestua më 13 gusht në Tiranë, në bazë të një urdhër-arresti ndërkombëtar të lëshuar nga autoritetet maqedonase. Sipas këtyre të fundit, 46-vjeçari nga Gostivari ka marrë pjesë në formacionet e armatosura të ISIS-it si dhe ka shërbyer për rekrutimin e personave në radhët e forcave të armatosura të Shtetit Islamik.
Top Channel
