Ndërsa në zonat e prekura nga tërmeti vazhdojnë operacionet e kërkimit të personave të zhdukur, shqiptarët me banim në Itali kanë filluar të organizohen.
Përveç vullnetarëve shqiptarë që po bashkëpunojnë me forcat e mbrojtjes civile në vend, familjet e emigrantëve që kanë mbetur pa strehë patën mbështetjen dhe ndihmën e bashkatdhetarëve.
Disa prej tyre rrëfejnë se për fat të mirë shumë shqiptarë me familjet ndodhshin me pushime në atdhe, ku do shkonte pas disa ditësh edhe Erion Toro, i cili humbi jetën gjatë tërmetit.
Bashkëshortja e tij, e rrethuar nga të afërmit, ndodhet e shtruar në spitalin e Aquilas.
Pritet ndërkohë që autoritetet italiane të kryejnë procedurat e nevojshme dhe të japin aprovimin për kthimin në atdhe të trupit të viktimës.
Për të ndihmuar familjen e tij, së pari për shpenzimet e transportit, disa përfaqësues shoqatash po mendojnë të organizojnë një mbledhje donacionesh që mund të nisë shumë shpejt.
Top Channel