Masat kundër Rusisë, Stoltenberg vizitë në Gjeorgji
24/08/2016 00:00
Nuk ka qetësi mes Izraelit dhe Hezbollahut, vijojnë sulmet! Plagosen ushtarët
17/04 22:41
Sekretari i përgjithshëm i NATO-s, Jens Stoltenberg do të vizitojë kryeqytetin gjeorgjian Tbilisi në datat 7 dhe 8 shtator.
Lajmin e ka bërë të ditur ministri i Jashtëm gjeorgjian, Mikhail Dzhanelidze, i cituar nga agjencia ruse e lajmeve “Interfax”.
Sipas ministrit, gjatë kësaj vizite do të bëhet vlerësimi i reformave në Gjeorgji dhe përmbushja e vendimeve të marra në samitin e NATO-s në Varshavë.
Gjithësesi, në mediat perëndimore aludohet se në fokus të vizitës së Stoltenberg do të jenë masat ushtarake ndaj Rusisë, pas kërcënimeve të Moskës pas krizës në Ukrainë.
Vendet e Perëndimit, përfshirë Shtetet e Bashkuara dhe Britaninë, janë shprehur disa herë për rritjen e pranisë së tyre ushtarake në Gjeorgji dhe vendet Baltike për t’i bërë ballë ekspansionit rus.
Top Channel
