Kritikohet për luftën e egër ndaj drogës, Duterte: Largohemi nga OKB
21/08/2016 00:00
Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Ai po cilësohet si një nga presidentet që po bën me shumë në luftën kundër kriminalitetit në Filipine, por aktivistet në mbarë botën thonë se ai ka gjetur rrugën e gabuar.
Presidenti i ri Rodrigo Duterte ka kërcënuar se vendi do të largohet nga Kombet e Bashkuara në përgjigje të kritikave për qasjen e tij kundër trafikut të droges.
Në një fjalim nga qyteti Davao ku ka shërbyer si kryebashkiak për 2 dekada, Duterte deklaroi :
“Ne mund të vendosim të ndahemi nga Organizata e Kombeve te bashkuara. Nëse ata vijojnë të fyejnë punën tonë, ne do të largohemi. Ose na largoni nga Organizta juaj, gjithsesi ju nuk është se keni bërë ndonjë gjë të madhe në luftën kundër drogës dhe krimit.
Qëkur Duterte ka marre detyrën , rreth 900 persona të pambrojtur janë vrarë me pretendimin se të gjithë trafikantët e drogës duhen vrare.
Por në ketë operacion masiv kanë humbur jetën edhe mbi 650 oficerë policie. Presidenti i vendit nuk është kursyer në akuzat që u ka bërë drejtpërdrejt 150 zyrtarëve të lartë se janë të përfshirë në trafikun e drogës.
Rodrigo Duterte tha se, në këtë listë bëjnë pjesë qeveritarë, anëtarë të gjyqësorit, kongresmenë dhe zyrtarë të policisë.
Top Channel
