“Rio 2016”, Brazili fiton të artën në futboll. Neymar: Nuk do të jem më kapiteni
21/08/2016 00:00
Tirana bën detyrën kundër Erzenit, Skënderbeu “fundos” Kukësin! Verilindorët drejt rënies nga kategoria 19/04 17:43
Brazili thyen mallkimin dhe fiton për herë të parë në histori medaljen e artë në një Olimpiadë. Këtë gjë e bën në shtëpinë e tij, përpara 75 mijë spektatorëve në Marakana.
U deshën goditjet e 11-metërshave që “Seleçao” të dilte fitimtare ndaj Gjermanisë, pasi koha e rregullt përfundoi në barazim 1-1. Golit të Neymar iu përgjigj Meyer.
Seria e 11-metërshave përfundoi 6-5 për Brazilin, me penalltinë deçizive të shënuar nga Neymar. Ylli i Barcelonës shpërtheu në lot dhe i gjithë vendi nisi festën që e priste prej shumë vitesh. Mjafton të mendosh se në 8 edicionet e fundit të Lojrave Olimpike, Brazili ka humbur 3 finale dhe 2 herë ka arritur deri në gjysmëfinale.
Por, pas përfundimit të ndeshjes, Neymar ka habitur duke deklaruar për mediat se ka hequr dorë nga shiriti i kapitenit të kombëtares.
“Na kanë kritikuar shumë, por u përgjigjëm me futboll. Është një nga momentet më të bukura të jetës sime. Kam folur me familjen dhe kam vendosur: nga sot, nuk dua më që të jem kapiteni i Brazilit”, theksoi sulmuesi 24-vjeçar.
Top Channel
