Pastrohet Liqeni i Fierzës
20/08/2016 00:00
Ra në kontakt me energjinë elektrike, ndërron jetë 45 vjeçari në Lezhë 23/04 22:17
Me një gjatësi prej 40 kilometrash, bregu i Liqenit të Fierzës është i tejndotur nga mbeturinat, kryesisht plastike, që shkarkohen në liqen nga lumenjtë gjatë sezonit të dimrit.
Drejtoria e Emergjencave ka kontraktuar një kompani private për pastrimin e bregut dhe hapësirën ujore në këtë periudhë që niveli i liqenit ka rënë.
“Kjo do të pastrohet me imtësi, deri tek pjesët plastike më të vogla. Kjo është një çlirim i mjedisit nga plastiket dhe ineret që lundrojnë mbi sipërfaqen e ujit”, thotë Arben Palushi, specialist mjedisi.
Gjatë kësaj kohe janë grumbulluar rreth 2 mijë thasë me mbetje, kryesisht plastike, duke pastruar një sipërfaqe të konsiderueshme të bregut të liqenit.
“Ky rpoces ka vazhduar nga data 1 gusht dhe akoma vazhdojmë. Për momentin jemi 8 punëtorë që pastrojmë vijën liqenore dhe do të vazhdojë”, thotë Liutrim Laçi, punëtor.
Për pastrimin e liqenit, Drejtoria e Emergjencave ka akorduar një fond prej 20 milionë lekësh.
Top Channel
