Tentoi të çmontonte saraçineskën e tubit të ujit, vdes 48-vjeçari
18/08/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një 48-vjeçar ka humbur jetën aksidentalisht ditën e sotme në Mirditë, ngjarja ka ndodhur në vendin e quajtur ish-Gjeologjia e Mashterkorit në Reps, në pusetën e shkarkimit të ujësjellës-kanalizimeve.
Sipas policisë, Fran Legisi ka tentuar që me një çelës hidraulik të çmontoj saraçineskën e tubacionit të ujit në një pusetë, ku për pasojë presioni i ujit ka shkëputur një pjesë të saraçineskës duke e goditur në pjesën e kokës dhe fatkeqësisht ka humbur jetën.
Njoftimi i policisë rreth ngjarjes
Me datë 17.08.2016, rreth orës 13:30, është njoftuar se tek vendi i quajtur Ish Gjeologjia e Mashterkorit në Reps- Mirditë, në pusetën e shkarkimit të ujësjellës – kanalizime në Mirditë, shtetasi Fran Legisi, 48 vjeç, banues në Reps – Mirditë ka humbur jetën.
Nga veprimet hetimore ka rezultuar se shtetasi ishte person i sëmurë mendor prej disa kohësh.
Sot me një çelës hidraulik ka tentuar të çmontoj saraçineskën e tubacionit të ujit në një pusetë, ku për pasojë presioni i ujit ka shkëputur një pjesë të saraçineskës duke e goditur në pjesën e kokës dhe fatkeqësisht ka humbur jetën.
Materialet u referuan Prokurorisë së Rrethit Gjyqësor Lezhë për vlerësim si ngjarje aksidentale.
Top Channel
