Joe Biden, vizitë në Prishtinë
16/08/2016 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Zëvendëspresidenti amerikan Joe Biden mbërriti mbrëmjen e së martës në Prishtinë për një vizitë zyrtare. Rreth orës 22:00, avioni i zëvendësit të presidentit Obama është ulur në aeroportin “Adem Jashari” në Prishtinë.
Numri dy i Shtëpisë së Bardhë është pritur nga presidenti i Kosovës, Hashim Thaçi. Në ceremoninë e pritjes ishte e pranishme edhe sportistja kosovare Majlinda Kelmendi.
Biden udhëtoi nga Beogradi në Prishtinë në një tur vizitash që synojnë nxitjen e mëtejshme të bashkëpunimit mes Serbisë dhe Kosovës.
Takimet zyrtare me presidentin Thaçi dhe kryeministrin Mustafa do të mbahen paraditen e sotme.
Zëvendëspresidenti i Shteteve të Bashkuara po viziton Kosovën së bashku me bashkëshorten Xhill dhe nipin dhe mbesën e tij. Pas ceremonive zyrtare, familja Biden do të marrë pjesë edhe në ceremoninë e inaugurimit të rrugës së re nacionale në Kosovë mes Gjilanit dhe Ferizajt, rrugën që do të marrë emrin e djalit të ndjerë të zëvendëspresidentit amerikan Joe Biden.
Top Channel
