Policia: Rezultatet përgënjeshtrojnë PD
11/08/2016 00:00
Ra në kontakt me energjinë elektrike, ndërron jetë 45 vjeçari në Lezhë
23/04 22:17
Policia e Shtetit thotë se është institucioni më i sulmuar nga opozita, e cila sipas saj, pothuaj çdo ditë ka akuzuar çdo drejtues policie për lidhje me krimin.
“Por rezultatet në luftën kundër paligjshmërisë dhe veçanërisht rezultatet në luftën kundër kultivimit të drogës, janë përgënjeshtrimi më i fortë për këto akuza’, thuhet në reagimin e Policisë pas deklaratave të radhës nga ana e Partisë Demokratike.
Policia e Shtetit fton edhe njëherë PD-në që për çdo informacion të pretenduar dhe për këdo zyrtar që sipas saj është i implikuar, t’i drejtohet Prokurorisë.
“Policia e Shtetit mbetet e vendosur të luftojë krimin dhe paligjshmërinë. PD-ja duhet të vendosë nëse do të rreshtohet në krah të Policisë për të luftuar krimin, apo do të qëndrojë në anën tjetër të llogores duke luftuar Policinë. Ata që sot luftojnë Policinë, i bëjnë shërbimin më të mirë krimit”, mbyllet reagimi i Policisë.
Top Channel
