Parkingjet nëntokësore, Veliaj flet për projektin e “Skënderbej”

“Pjesa mes Muzeut Kombëtar dhe Bankës së Shqipërisë, ai territor nuk ka shatërvanë dhe vaska nëntokësore, gjersa hapet sheshi menduam që në një kohë prej 6 deri në 7 muajsh do të mund të prodhojmë një parking nëntokësor e administruar nga Bashkia e Tiranës”, thotë kryebashkiaku Erjon Veliaj.
 
Bashkë me parkingjet nëntokësore në hotelin e madh në qendër të qytetit, qendrën tregtare përballë ish-selisë së Partisë Demokratike dhe xhamisë që po ndërtohet, në total qendra e Tiranës do të ofrojë rreth 1200 parkingje nëntokësore. Kjo sipas kreut të bashkisë zgjidh problematikën e ngritur mbi projektin e sheshit për të gjitha ata që punojnë në qendër të kryeqytetit.

Këto deklarata kreu i bashkisë i bëri gjatë inspektimit të projektit të shkollave verore që ka nisur në 7 shkolla të kryeqytetit e që do të ofrojnë aktivitete të ndryshme për fëmijët gjatë muajit gusht, vecanërisht për ata në pamundësi ekonomike, për të patur pushime verore si të gjithë të tjerët.

Top Channel