Vlorë, pranga për dhunë në familje 30-vjeçarit
08/08/2016 00:00
Policia e Vlorës ka arrestuar në orët e fundit një person, nën akuzën e ushtrimit të dhunës fizike dhe psikologjike ndaj bashkëshortes së tij.
Burime policore lokale bëjnë të ditur se në pranga ka rënë shtetasi Ernest Zeqo, 30-vjeç, banues në qytetin jugor.
Sipas burimeve, arrestimi i 30-vjeçarit është kryer në lagjen “Osman Haxhiu”, pas sinjalizimeve të ardhura nga fqinjët e çiftit.
Nga hetimet paraprake ka rezultuar se Zeqo ushtronte dhunë ndaj bashkëshortes për motive të dobëta dhe se kjo e fundit dy vjet më parë ka qenë e pajisur me urdhër mbrojtjeje.
Top Channel