Trump bën “paqe” me republikanët, mbështet Paul Ryan dhe John McCain
06/08/2016 00:00
VIDEO/ Arratisja më e dështuar në histori! Të burgosurit hapën një tunel, por në dalje bien mbi 30 policë që po bënin stërvitje 25/04 09:22
Donald Trump më në fund mbështeti kandidaturën e përfaqësuesve republikanë Paul Ryan dhe senatorin John McCain në rizgjedhjen e tyre në postet përkatëse.
Kjo ka çuditur republikanët pasi më herët këtë javë miliarderi refuzoi mbështetjen e figurave, ndërsa duket qartë reflektimi, Trump tha se tani duhen Ryan dhe McCain në rrugëtimin e tij presidencial.
Por më herët në një intervistë për “Washington Post” ai ishte shprehur veçanërisht për Paul Ryan se i duhet ende punë për të arritur suksesin e dëshiruar.
Më shumë sesa konstatim real, Trump duket se ia ktheu në të njëjtën monedhë kolegut të tij republikan, kjo sepse përpara se Paul Ryan të mbështeste Donald Trump ishte treguar shumë skeptik duke thënë të njëjtat fjalë.
“Trump nuk është atje ku duhej të ishte”, kishte deklaruar ai, ndërsa më vonë e mbështeti miliarderin në nominimin e tij zyrtar.
Ndërsa sa i përket John McCain, Trump në vitin 2008 e ka quajtur atë një dështak. Por pas furtunës së kritikave javëve të fundit, Donald Trump tha “sot unë jam me ta do të punojmë së bashku dhe kjo është shumë e rëndësishme”.
Top Channel
