Gjykata, 20 ditë burg Fatmir Kuçit. Ambasada ruse ndjek seancën
06/08/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjykata e Vlorës dha të shtunë masën e sigurisë arrest me 20 ditë burg për Fatmir Kuçin, biznesmenin e arrestuar për akuzën e “vrasjes nga pakujdesia” të turistit rus në plazhin e Himarës.
Seanca e vlerësimit të masës së sigurisë u mbajt në Spitalin e Vlorës ku ai është shtruar prej së premtes. Prokurori i çështjes Arjan Xhaferraj kërkoi 30 ditë burg, ndërsa gjyqtarja Atalanta Zeqiraj vendosi masën 20 ditë.
Prokurori argumentoi kërkesën për 1 muaj burg, pasi tha se gjatë kësaj periudhe priten aktet e ekspertimit mjekoligjor, këqyrja dhe marrjen e të dhënave nga pajisja GPS mbi lëvizjen e mjetit lundrues, këqyrjet e imtësishme të mjeteve lundruese dhe vetë viktimës, si dhe pyetja e dëshmitarëve të tjerë mbi ngjarjen.
Ndërkohë procesin po e ndjekin edhe përfaqësues të Ambasadës ruse në Tiranë.
Top Channel
