Mjetet e ujit, vijon operacioni i Policisë Kufitare
06/08/2016 00:00
Sherr mes 5 personave në Kukës, nis hetimi për një prej tyre, 4 të tjerët në kërkim! Masë disiplinore për policët që nuk parandaluan ngjarjen 23/04 16:20
Në ditën e dytë të Policisë Kufitare kundër mjeteve lundruese që janë pa dokumentacion apo që nuk respektojnë rregullat e lundrimit dhe lundrojnë në zona të ndaluara, janë bllokuar 11 mjete ujore.
Një skaf, dy gomone dhe tetë motorë uji u sekuestruan për mungesë dokumentacioni dhe shkelje të rregullave të sigurisë në lundrim.
Vetëm gjatë orëve të mëngjesit së të premtes, Policia Kufitare ka bllokuar 7 mjete lundruese, nga të cilat një gomone dhe 6 motorë uji. Sipas policisë, motorët e ujit janë bllokuar kryesisht për shkelje të perimetrit të sigurisë në plazhe, ndërsa gomonia për mungesë të dokumentacionit të plotë.
Sakaq, që nga 1 qershori që ka nisur zbatimin plani i masave për sigurinë në plazhe, Policia Kufitare ka bllokuar 13 mjete lundruese, nga të cilat një skaf, dy gomone dhe 10 motorë uji.
Përveç verifikimit në det, Policia Kufitare u ka dërguar mbi 20 shkresa përfaqësuesve të pushtetit vendor, që të përcaktojnë perimetrin e sigurisë në plazhe si dhe korridoret ujore për mjetet e argëtimit.
Operacioni i Policisë Kufitare do të vijojë në të gjithë vijën bregdetare të vendit për të garantuar sigurinë e plazhistëve. Siguria në plazhe u kthye në çështje, pasi të mërkurën në plazhin e Himarës humbi jetën një turist rus në plazhin e Livadhit, i cili u godit nga një skaf i fuqishëm.
Top Channel
