Hap fals i brazilianëve, barazojnë me Afrikën e Jugut

Verdhjeshilët dhuruan shumë zhgënjim për të pranishmit në stadiumin “Nacional Mane Garrincha” të Brasilias. Një barazim që heq shkëlqimin e Brazilit ku trajneri Rogerio Micale debutoi në mënyrën më të keqe edhe pse objektivi i tij është fitorja e medaljes së artë.

Pas startit të dobët Brazili fitoi terren dhe në pjesën e dytë arriti ta dominonte kundërshtarin që për më tepër luajti me 10 lojtarë për 30 minuta lojë.

Edhe në ndeshjen tjetër të këtij grupi mes Danimarkës e Irakut nuk pati gola. Brazili do të rikthehet në fushë të dielën për të sfiduar Irakun në një sfidë ku do të kërkojë me ngulm 3 pikëshin e parë olimpik.

Në Grupin D, Hondurasi kaloi 3-2 Algjerinë, ndërsa Portugalia mundi pastër 2-0 Argjentinën. Zhgënjim edhe për Gjermaninë që barazoi 2-2 me Meksikën, ndërsa Nigeria dhe Japonia shënuan plot 9 gola në takimin ku triumfuan afrikanët.

Një tjetër takim i mbyllur në barazim 2-2 ishte edhe ai mes Suedisë e Kolumbisë.

Top Channel