Shkodër, gjendet një trup i dekompozuar në fshatin Kuç

22/07/2016 00:00

Një trup i dekompozuar është gjetur pasditen e kësaj të premteje në fshatin Kuç të qarkut të Shkodrës.

Lajmin e bëjnë të ditur burime policore lokale, sipas të cilave kufoma e dekompozuar është e seksit mashkull dhe e gjatë rreth 1 metër e 70 cm.

Burimet shtojnë se kufoma do të dërgohet në morg ku do t’u nënshtrohet analizave mjeko-ligjore dhe procedurave shkencore për mundësimin e identifikimit.

Ndërkohë, nga mbikëqyrja paraprake ekspertët dyshojnë se trupi gjendej në vendin ku u gjet prej shumë kohësh.

Ndërsa toka ku është bërë zbulimi rezulton në pronësi të shtetasit me inicialet G.H, banues në fshatin Kuç, saktësojnë më tej burimet policore.

Top Channel