Vorë, shpërthen në flakë një automjet
14/07/2016 00:00
Një automjet është shkrumbuar nga zjarri që shpërtheu në ecje e sipër. Fatmirësisht, drejtuesi i mjetit dhe pasagjerët dolën në kohë nga mjeti në vendin e quajtur rrethrrotullimi i Vorës.
Mjeti tip Renault mësohet se mori flakë nga një avari e impiantit të gazit. Sipas dëshmitarëve që raportuan në Top Channel, në vendin e ngjarjes mbërriti e para policia e më pas një mjet zjarrfikës për të shuar flakët.
Për disa minuta, qarkullimi në pjesën e rrugës ku ndodhej automjeti në flakë është ndërprerë.
Top Channel