Ajeti, zyrtarisht te Torino
08/07/2016 00:00
Artan Hoxha tregon të vërtetën e ankandit: Ja pse Tirana vlen 1.6 milion euro! Ka qenë në greminë për 14 vite 23/04 10:29
Arlind Ajeti është zyrtarisht një lojtar i Torinos, një kontratë që e mban atë sërish në Serinë A.
Të enjten, mbrojtësi i kombëtares shqiptare kaloi me sukses vizitat mjekësore dhe mediat italiane shkruajnë se kontrata e tij me klubin do të jetë 3-vjeçare me të drejtë zgjatjeje edhe për 2 vite të tjera.
Sipas tyre, 22-vjeçari, i cili është dhe blerja e parë e klubit për trajnerit serb Mihajlovic, pritet të marrë 500 mijë euro në sezon.
Debutimi i Ajetit në Serinë A, ishte me 6 janar të këtij viti në ndeshjen Sasuolo-Frosinone ku shënoi dhe një gol për ekipin e tij.
Në Euro 2016, Ajeti luajti në sfidën ndaj Francë dhe Rumanisë dhe në këtë të fundit ai u shpall lojtari më i mirë i ndeshjes. Në skuadrën e tij të re, mediat shkruajnë se Ajeti do të veshë fanellën me numrin 93, viti i tij i lindjes.
Top Channel
