Ministri belg: Shqipëria, sërish në listën e vendeve të sigurta
07/07/2016 00:00
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Në Bratisllavë të Sllovakisë, vendit që ka Presidencën e rradhës të BE, po mbahet takimi i ministrave të Brendshëm të Bashkimit Europian dhe vendeve kandidate.
Vendet pjesëmarrëse po diskutojnë mbi çështje si kriza migratore dhe propozime për një solidaritet dhe bashkëpunim. Palët diskutuan që së shpejti të miratohet një paketë e përbashkët për azilin, duke caktuar procedura të njëjta në të gjitha vendet.
Gjatë punimeve, zv.ministrja e Punëve të Brendshme, Elona Gjebrea pati një takim me sekretarin e Shtetit të Belgjikës për Migrimin dhe Azilin, Theo Francken. Zoti Francken bëri një deklaratë pas takimit me zv/ministren Gjebrea.
“Këshilli i Shtetit të Belgjikës ka vendosur që Shqipëria duhet të përjashtohet nga lista e vendeve të sigurta për vitin 2015. Këshilli i Shtetit e ka bërë edhe më parë këtë, në vitin 2012, 2013, 2014. Qeveria belge gjithësesi nuk pajtohet me këtë vendim dhe, ashtu si në vitet pararendëse, do ta përfshijë menjëherë Shqipërinë sërish në listën e vendeve të sigurta”, deklaroi Francken.
Ai theksoi se qeveria belge mbetet e bindur se Shqipëria vërtet është një vend i sigurt dhe se shqiptarët përgjithësisht nuk kanë nevojë për mbrojtje ndërkombëtare.
“Qeveria e Belgjikës dhe e Shqipërisë vijojnë bashkëpunimin shumë të mirë në çështje të ndryshme, përfshirë migrimin”, theksoi Francken.
Top Channel
