Kryeministri i Republikës së Kosovës, Isa Mustafa, me rastin e 4 korrikut, Ditës së Pavarësisë së Shteteve të Bashkuara, ka uruar popullin dhe qeverinë amerikane.
Në mesazhin e kryeministrit Mustafa thuhet:
“4 korriku 1776 është një prej datave më të rëndësishme në historinë e njerëzimit, pasi në atë ditë u miratua Deklarata e Pavarësisë së Shteteve të Bashkuara.
Që nga ajo kohë, kombi i madh amerikan ndërtoi shtetin më të fuqishëm në botë, të bazuar në vlerat më të avancuara humane, duke e bërë atë simbol të lirisë dhe demokracisë globale.
Qytetarët dhe Qeveria e Kosovës u janë përjetë mirënjohës SHBA-ve për përkrahjen e ofruar. Kosovarët mbesin populli më proamerikan në botë dhe ne jemi shumë krenarë me këtë fakt.
Zoti i bekoftë Shtetet e Bashkuara të Amerikës!”.
Top Channel