Greqi, legalizohen 3 xhamitë e para në Athinë

Lajmi publikohet nga gazeta “Proto thema”, sipas së cilës kryeministri Tsipras ka pohuar ditët e fundit gjatë një vizite në Strasburg se, qeveria e tij ka dhënë leje për 3 xhami në Athinë, një në Tebë dhe leje për ndërtimin e një varreze myslimanësh në 20 parcela të dhuruara nga Kisha greke, duke plotësuar një kërkesë të hershme të komunitetit mysliman.

Athina ishte kryeqyteti i vetëm në Europë që nuk kishte një objekt kulti për më shumë se 300 mijë myslimanë që jetojnë atje, ndërsa kërkesa për ndërtimin e një xhamie është bërë për herë të parë në vitin 1940.

Vitet e fundit fuknsiononin shumë vende lutjeje në mënyrë ilegale, pa kushte sigurie, ajrimi, në ndërtesa të braktisura dhe parkingje, ndërsa pas vitit 2013 kanë funksionuar në mënyrë gjysmë të ligjshme 3 xhami në kryeqytet, por përsëri në to nuk mund të shkonte çdokush prej myslimanëve që banonin në Greqi.

Sipas qarkores së Ministrisë së Arsimit, për hapjen dhe funksionimin e kulteve të lutjes kërkohen një sërë kushtesh higjienike, parametra për sigurinë e besimtarëve, numrin e tyre, biografia e imamit bashkë me studimet që ka bërë, si dhe leja e tij e qëndrimit nëse është i huaj; numri i regjistrimit tek organi i Tatim-Taksave, por edhe respektimi i rregullave për ndotjen akustike.

Top Channel