Ne ambientet e Parkut Kombëtar të Sportit në Tiranë u zhvillua “Telekom Tennis Open”, një turne i organizuar nga Tirana Tennis Acadamy dhe me mbështetjen e Bashkisë së Tiranës.
Në këtë turne që kishte si synim afrimin e mëtejshëm të njerëzve me sportin e tenisit dhe në promovimin e fair play, morën pjesë rreth 64 dashamirës të kësaj disipline sportive.
Në fund të turneut dolën 3 çifte finaliste që diskutuan trofetë për çdo kategori, për meshkuj triumfuesi ishte Rezan Tufa, i cili mposhti Ervin Pirron.
Ndërsa për femra, kampione e turneut u shpall Anila Luma pasi fitoi në finale ndaj Adelina Dhamos. Për sa i përket kategorisë “senior”, Tedi Bemi ishte ai që doli i fituar pasi mposhti Andruan bleta.
“Telekom Tenis Open” nuk do të ndalet këtu. Tirana Tenis Academy mendon që ky turne të bëhet një aktivitet i përvitshëm ku ideja është që në të ardhmen të marrin pjesë edhe tenistë profesionistë.
Top Channel