Fanella e re “kuqezi”, shqiponja i lë vendin rombeve
29/06/2016 00:00
Artan Hoxha tregon të vërtetën e ankandit: Ja pse Tirana vlen 1.6 milion euro! Ka qenë në greminë për 14 vite 23/04 10:29
Në shtator, kombëtarja shqiptare do të nisë rrugëtimin në kualifikueset e Botërorit “Rusi 2018”. Përballë Maqedonisë, kuqezinjtë do të dalin në fushë me një fanellë të re.
Top Channel ka mësuar se uniformat e reja të ideuara nga kompania “Macron” do të ketë disa ndryshime me ato që u përdorën në Europian. Siç shihet edhe në foto, në fanelën e re shqiponja ia ka lënë vendin disa rombeve, ndërkohë që stema e FSHF-së do të jetë në qendër të fanellës.
Fanella e parë do të jetë e kuqja, ndërkohë që me fanelën e bardhë apo me atë të zezë, përfaqësuesja jonë do të luajë në transfetë. Si model është marrë fanella kroate, pasi konsiderohet me dizajnin më të bukur.
Në kualifikueset e “Rusi 2018”, Shqipëria e De Biasit është në një grup me Italinë, Spanjën, Maqedoninë, Izraelin dhe Lihtenshtejnin.
Top Channel
