Lushnje-Rrogozhinë, kamioni përplas kalimtarin; rëndë 30-vjeçari
28/06/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Një aksident i rëndë rrugor është verifikuar pasditen e kësaj të marte në aksin Lushnje-Rrogozhinë, ku një automjet ka përplasur një kalimtar.
Lajmin e bëjnë të ditur burime policore lokale, sipas të cilave ka qenë një kamion tip “Benz”, me targë “AA 476 PH” që ka goditur në ecje e sipër kalimtarin.
Ky i fundit, saktësojnë burimet, po përpiqej të kalonte trafikndarësen në momentin që është goditur nga mjeti i tonazhit të rëndë, i drejtuar nga shtetasi me inicialet B.Sh.
Njësitë e policisë të mbërritura në vendngjarje kanë koordinuar punën për të shmangur bllokimin e qarkullimit, shtojnë më tej burimet.
Ndërkohë, shtetasi i dëmtuar, 30-vjeçari me inicialet R.I, ndodhet në gjëndje të rëndë për jetën dhe po dërgohet në Spitalin e Traumës në Tiranë për trajtim më të specializuar.
Top Channel
