Puthje për të qëndruar në BE

22/06/2016 00:00

Aktivistë pro-Bashkimit Europian pikturuan fytyrat e tyre me ngjyrat e flamujve të BE dhe britanikë, dhe u puthën në një aksion simbolik për të apeluar qëndrimin e Britanisë në bllok, në prag të referendumit kombëtar.

Dhjetëra aktiviste u mblodhën pranë stadiumit “Wembley” në Londër, ku përfaqësuesit e 2 kampeve po mbanin debatin e tyre të fundit.

Ata valëvisnin banera me shkrimin “Zgjidh dashurinë, voto për qëndrimin” ndërsa dy gra që kishin pikturuar fytyrat me ngjyrat e flamujve të BE dhe të Britanisë u puthën dhe thanë “Jemi më mirë të bashkuar”.

Ndërkohë, një puthje u bë edhe në Berlin përpara Brandenburg Gate nga një burrë dhe grua të cilët kishin pikturuar fytyrat e tyre me ngjyrat e flamujve të BE dhe britanikë, ndërsa në dorë mbanin një baner ku shkruhej “Dashuria jonë për Britaninë e Madhe”.

FOTO GALERI
1/8
Aktivistët pikturojnë fytyrat e tyre me ngjyrat e flamujve të BE dhe britanikë

Top Channel