Rumunët, 2.5 mln euro shpërblim për “kokën” e Shqipërisë
18/06/2016 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Do të jetë një ndeshje mjaft e vështirë për Shqipërinë mbrëmjen e nesërme në Lion ndaj Rumanisë, jo vetëm për faktin se një fitore e tyre do t’i kalonte automatikisht në fazën tjetër, por tashmë lojtarët e kësaj kombëtareje kanë edhe një arsye më shumë për të luajtur më fortë.
Federata Rumune e Futbollit ka vendosur t’i motivojë lojtarët e saj me një shpërblim të majmë prej 1.5 milionë euro në rast fitoreje ndaj Shqipërisë, të cilat do t’i shtohen 1 milion eurove të ofruar nga UEFA.
Një praktikë të tillë Federata Rumune e Futbollit e ka ndjekur edhe në përfundim të eliminatoreve të Europianit. Futbollistët rumunë, të cilët u kualifikuan si të dytët e Grupit F madje pa pësuar asnjë humbje, përfituan nga 60 mijë deri 200 mijë euro, në varësi të minutazhit në fushë.
Megjithatë, mbetet për t’u parë ndeshja e së dielës, e cila do të nisë në 21:00 dhe do të transmetohet në Top Channel, për të mësuar se cila kombëtare do të dalë fituese.
Top Channel
