Referendumi britanik, Putin: Cameron po shantazhon BE
18/06/2016 00:00
Bosi i mafies bën dasmë tek kisha ku u varros armiku numër 1 i tyre, gjyqtari Falcone! Reagon prifti: Nuk e dinim që..
25/04 10:45
Presidenti rus Vladimir Putin sugjeroi se David Cameron mund të ketë organizuar referendumin për Europën në përpjekje për të shantazhuar Bashkimin Europian.
Në atë që u konsiderua gjerësisht nga mediat si ndërhyrja e parë e Putin për këtë çështje, lideri i Kremlinit tha se kryeministri britanik e ka organizuar referendumin për të trembur Europën. Shumë politikanë, përfshirë ministrin e jashtëm britanik Philip Hammond, më herët kanë spekuluar se Putin kërkon që Britania të votojë për daljen nga BE, në mënyrë që Europa të jetë më e dobët dhe Rusia të fitojë terren për të shtuar influencën e saj.
I pyetur nga “Associated Press” për këtë çështje, Putin tha se ai është një problem të madh me referendumin në tërësi.
“Pse kryeministri britanik organizoi referendumin? Pse e bëri këtë? Mendoj se donte të shantazhonte Europën apo të trembte dikë. Cili është qëllimi i referendumin, nëse Cameron është kundër daljes nga BE? – deklaroi Putin.
Presidenti rus tha se padyshim që ka pikëpamjet e tij për rrjedhojat e Brexit, por theksoi se nuk do t’i shprehë ato. Sipas tij, referendumi nuk është çështje e rusëve, por vetëm e popullit të Britanisë së madhe.
Top Channel
