Kroacia drejt zgjedhjeve të parakohshme, firmoset shkrirja e Parlamentit
17/06/2016 00:00
Zgjedhjet në Maqedoninë e Veriut, Bujar Osmani: Jam thellësisht i nderuar dhe i përulur nga besimi dhe mbështetja juaj 25/04 13:15
Një ditë pasi qeveria nuk i mbijetoi mocionit të mosbesimit, mazhoranca e deputetëve kroatë ka depozituar të premten firmat përmes të cilave kërkohet shkrirja e parlamentit të zgjedhur nëntorin e kaluar dhe mbajtja e zgjedhjeve të parakohshme më vonë në shtator.
Mocioni ishte firmosur nga të gjithë deputetët e opozitës së majtë, ata të qendrës që deri dje ishin partnerë të qeverisë dhe përfaqësuesit e pakicave etnike.
Në këtë mënyrë ka hyrë në fuqi opsioni i parashikuar nga Kushtetuta për formimin e një mazhorance të re brenda 30 ditëve nga rënia e qeverisë.
Qendra e djathtë, që në javët e fundit ka parë liderin e saj, Tomislav Karamarko, të përfshirë në një konflikt të rëndë interesi, që është bërë dhe zanafilla e prishjes së koalicionit, nuk dëshiron të shkojë në votime në një kontest kaq të pafavorshëm.
Top Channel
