Hetimi i UEFA-s, ja si mbrohet FSHF
12/06/2016 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Ankesa e Greqisë përmes një note proteste dhe shkresave në qeverinë e futbollit kontinental për një baner mbi gjenocidin ndaj çamëve në ndeshjen Shqipëri-Zvicër duket se ka pasur efekt edhe në selinë e UEFA-s.
Këta të fundit kanë vendosur nën procedim disiplinor Federatën Shqiptare të Futbollit, e cila shpreson t’ia hedh pa ndonjë gjobë apo penalizim tjetër, për shkak të disa arsyetimeve që kanë.
Kështu, i dërguari ynë në Perros Guirec, Endi Tufa, njoftoi se ka pasur një kontakt të një delegati të ndeshjes me një prej përfaqësuesve të stafit të përfaqësueses sonë në stadiumin e Lens pikërisht për këtë baner.
Por, FSHF mbrohet duke arsyetuar se baneri është shpalosur në një zonë neutrale të stadiumit, pra nuk ndodhej në tribunën e tifozëve shqiptarë, që ne të fajësohemi direkt për një gjë të tillë.
Po ashtu, personat që besohet se e kanë shpalosur atë, nuk kanë pasur të veshur ndonjë bluzë që tregonte se ata janë tifozë të kombëtares shqiptare, për të shtuar se përgjegjësia e parë për futjen e atij baneri në stadium i bie UEFA-s, si organizatore e ndeshjes.
Mirëpo, Komisioni i Disiplinës, që ka një fokus të veçantë këtë muaj tek Euro 2016, ka hapur procedim disiplinor edhe për hedhjen e disa fishekzjarrëve. Vendimi për akuzat ndaj Shqipërisë do të merret më 21 korrik.
Top Channel
